Whey протеин: концентрат, изолат или хидролизат?
На полицата стојат десетици whey протеини со слични етикети. Разликата е во три збора — концентрат, изолат, хидролизат — и во тоа што ви треба вам.
Што е whey (сурутка) протеин
Whey протеинот се добива од млекото, при производството на сирење. Содржи ги сите есенцијални амино киселини и брзо се вари, па затоа е најчестиот избор по тренинг. Протеинот придонесува за раст и одржување на мускулната маса.
Трите форми
Концентрат (WPC)
Најчестата и најевтината форма. Содржи најчесто околу 70–80% протеин, а остатокот се малку јаглехидрати, масти и лактоза. Има најполн вкус и текстура. Добар избор за повеќето луѓе.
Изолат (WPI)
Дополнително прочистен — обично околу 90% протеин, со многу малку лактоза, масти и јаглехидрати. Го избираат оние што бројат калории или тешко поднесуваат лактоза. Поскап е по килограм.
Хидролизат
Протеин што е делумно „исечен“ на пократки делови, па се вари уште побрзо. Најскап; вкусот е најчесто малку погорчлив.
Мешавини
Многу производи комбинираат концентрат и изолат — компромис меѓу цена и чистота. На етикетата гледајте го редоследот: првата наведена состојка е онаа што ја има најмногу.
Колку протеин ви треба
Потребата зависи од телесната тежина, возраста и активноста. Спортските здруженија за луѓе што тренираат редовно наведуваат околу 1,4–2,0 g протеин по килограм телесна тежина дневно — од целата исхрана, не само од шејкови. Протеинскиот прашок е практичен начин да се надополни она што недостасува од храната.
Кога да го пиете
- По тренинг — најчестото време, затоа што е практично.
- Како меѓуоброк — кога нема време за вистински оброк.
- Наутро — во овесна каша или со овошје, ако појадокот ви е сиромашен со протеини.
Вкупниот дневен внес е поважен од точниот час.
Како да изберете
- Прв whey? Почнете со помало пакување за да видите дали ви одговара вкусот — на пример Malena 100% Whey 500 g.
- Веќе знаете што сакате? Поголемите пакувања се поисплатливи по доза — на пример Optimum Nutrition Gold Standard.
- Чувствителни на лактоза? Изолат.
- Сакате да добиете тежина? Протеинот не е доволен — погледнете го водичот гејнер или протеин.
- Не пиете млечни производи? Погледнете ги веганските протеини.
Чести прашања
Со вода или со млеко?
Со вода е полесно и со помалку калории; со млеко е покремасто и со повеќе протеин и калории. И двете се во ред.
Може ли жени да пијат whey?
Да. Whey е храна — протеин од млеко — и не е наменет само за мажи или само за градење маса.
Целата понуда: whey протеини и сите протеини.
Додатоците во исхраната не се замена за разновидна и избалансирана исхрана и здрав начин на живот.
